رابطة الكتاب العرب على الفيس بوك

الشاعر  / شكري واردة  / يكتب  ⭐⭐⭐ قصيدة غنائية بالعامية المصرية عنوانها : نبضو في إيديّ كنت صبية ....و شاوِر عليّ شفتو أمير.... وأكثر شوية سبت الدنيا وجريت عليه سقاني في يوم بحر حنية ونسيت معاه طعم الأسية حبيبي روحي...أغلى هدية وأحلى حاجة في الدنيا ديّ عمرو ما ح يقدر يبعد عليّ وح قلكم ...ما يقدرشي ليه  لو رحت عنو......يجري عليّ لو قتلو إرتاح..وإهدى شوية ألاقيه سابقني وفاتح إيديه أسمعُو! ليه.. نبضو في إيديّ وأحضنو الزاي..وهو في عينيّ ده..وين يروح ...روحي تلاقيه لوأمرض بدالو..تضحك عينيّ وأشيل همومو... أرتاح شوية دا كل ما فيّ ....أحلى ما فيه علمني أذوق.....شوقو بروية علمني أجن..... وأبقى سويّة  نظرة عيوني.... وجنوني بيّ خلوني....... أخاف أكثر عليه ودي القوت .......وليت بنية أشرب من بحور.. عشقو ليّ صار يقول.......... عنو صبي  وانا أميرة في بحور عينيه د.شكري واردة  جميع الحقوق محفوظة

الشاعر  / سامح بلال  / يكتب  ⭐⭐⭐ مش هبالغ لما اقولك السنة دي انتي عيدي وانتي حبي وكل أملي واللي ساكنه مابين وريدي السنين وشهورها انتي و الدقايق والثواني وكل حاجة بقربك انتي ليها فرحه وطعم تاني ياقصيدة  جمالها اسمك والشطور تفاح خدودك والبحور تشبه عيونك و القوافي من ورودك والحروف بلاغتها أجمل  لما توصف غصن عودك يالي نسمة ومن عبيرك عيشت بحلم أطوف حدودك واللي شوفته لما نولتك حب له علامات وطرحت  لما نورتي بوجودك  #سامح_بلال

الشاعر  / سامح بلال  / يكتب  ⭐⭐⭐ غني ياطير رفرف غرد بأعلى الصوت وإياك ف يوم تسكت وتعيش ياطير مكبوت ع الغصن قول لحنك وبلاش خوفك يسرقك  وتعيش قتيل ف تابوت عيش الحياة وافرح وبلاش تحط شروط دا العمر فيها مرة ومفيش عليها خلود  ارمي الهموم رفرف غرد بأعلى الصوت من امتى كان الفضا مرسوم ياطير له حدود #سامح_بلال

الشاعر  / عادل عوف  / يكتب  ⭐⭐⭐ مشهد فى القشاش ............................ لو حد شاور له يقوم يهدى ويقف في الحال لو شيخ او شاب في ايده واحده ومعاها عيال او واحد شايل كام شنطه و علي ضهره شوال ولا عمره إشتكي يوم م الزحمه و دايما شغال ....................... في العيد بيجمع ناس غابت ويلم الاهل ودا شئ لو تعرف إيه قيمته و فعلا مش سهل محتاج مجهود صعب لغيره وخصوصا كهل شايل ومحمل فوق طاقته وما سألش سؤال ................ مليان حكايات حصلت فجأة غير الأسرار قشاش طول عمره لكن ماشي بهمه وإصرار علي جسمه مافيش حته سليمه من غير أضرار وان صفر تطلع صفرته حشرجه وسعال ................... تركب جواه تلقي مقاسي والخلق ظروف واحد متجضع وفـ إيده جردل وجروف والتاني بيأمن علي كرسي وساحب له خروف رايح للبطرى يشخص له سبب الإسهال ..................  و مشنه بتصرخ من طيبها ذبده علي فطير وعمامة تقول لك لفتها انا تحتي غفير وشباب واقفين حوالين واحده ونزلين تدقير من ضيق جلبيتها وكحلتها وبيقولوا حلال .................. وبتشت في اخر العر...

الشاعر  / هشام عبدالله  / يكتب  ⭐⭐⭐ غالى ( موال) عديت بشباكى على بحر الملاح وسألت اهل العشق العاشق عيشته براح لا مآسى  فيها وعايش مرتاح قالولى لازم تعدى على المآسى لاجل ما ترتاح قولت قلبى ملهوش فى المآسى وراح راحت ست الصبايا صادته بالرمش اللى بات جراح ... غالى .. غالى من يومه وهو غالى من نظره عينه وهو على بالى اه يا سلام على الدلال لمسه ايديه خلتنى فى السما عالى غالى .. غالى حُسن وغرام .. سحرانى بيه الله عليه من أده ليه طله عيون خدتنى لحد عنده علمنى هواه .. محلى الكلام فى نور عينيه ضحك الايام غالى . غالى حبيبى صدنى برمش غالى بعود ملفوف خطف قلبى بسهر الليالى ميلت ليه ومن غير قلبه ماميل دا هوا المراد وحبى ليه غالى غالى .. غالى من كتاباتى هشام عبدالله

الشاعر  / عمرو تمساح ابو سفيان  / يكتب  ⭐⭐⭐ عشان شبهك *********  عشان شبهك بحب الكل  عشان عمرى ما احب الذل  عشان رافض انا غيرك  بغيب فى عنيكى اجى واطل ومهما يقولوا يا بلدى  بقلك غمه وتعدى  ومهما يمد ف عروشه  هتنشف برضه وتصدى ولو حطوا ف ايدينا قيود  ولو هيبيعوا ارض جدود ولو هيخلوا بنا حدود  حنينى وشوقى دوم موجود  ياشمس بلادى هتعودى  بخيرك يامه هتجودى  وتخضرى مع الأغصان  وبوح القلب بوجودى  يساكنه ف حضن نهر النيل  وولاده لجيل ورا جيل  ولو راح تتعبى يابلدى  حمولك جوه قلبى هاشيل نعود تانى لحكايتنا ونحكى ندوب ف قصتنا  وهنشوف الفرح الوان  ولا قوه تسكتنا  واعيش جنبك واقول موال  هتغير عليه أحوال  وارجع تانى يابلدى  اقطع بينا اى حبال  ولا تخافى من الجلاد  بصبرك تلقى فرحك زاد  ونحرق كل زول خاين  يبيع حبك وعمره ما جاد  *********** عمرو تمساح ابوسفيان

الشاعر  / عمرو تمساح ابو سفيان  / يكتب ⭐⭐⭐ انا اسف لانى كتبت  ********* بنشكى م العذاب المر  ومش قادرين نعدى البر  بنحكى ع السطور اوجاع  بنهرب منها  للصبر  بنتالم سعات لكن  بنطوى همومنا جوه القلب  وحزن ف قلبنا ساكن  وبنحاول نلاقى الحب  نسيب اوجعنا تتمكن  ونمشى ف الطريق الصعب نتوه فيها وننسى نعيش  نضيع ويفوتنا باقى السرب  سعات نضحك على روحنا ونكتب فرحنا بالكدب  نحس ف دنيا مالانى مكان  وكاس المر نازل صب  انا اسف لانى كتبت  على ورقى وقلت ارتحت   بخاف على نفسى من نفسى  معاكى يا نفسى والله احترت  ياكلمه حزينه ف عيونا  ياريت تمشى وتنسى القلب  *********** عمرو تمساح ابوسفيان

الشاعر  / خالد المنصوري  / يكتب  ⭐⭐⭐ حبيبتى .. لما تستعبط حبيبتى لما تستعبط..تبقي زاي الحلوين خطيبتي حلوۃ أموره.. تشبه زهرة الياسمين جمال وحلاوه وخفة دم.. رقه وست الطعمين شعنونه ولما تغير..بتبقى شبه المجانين حبها مكلبش جوايا..وأنا ليها رمش العين بس ساعات تستعبط.. وعبطها يبان للناظرين فى مره ياساده كنا.. الاتنين متواعدين نخرج نتمشى فى.. نص البلد ساعتين لهوايه عندنا اسمها.. الفرجه على الفتارين والأيد فى الأيد.. وكيس اللب المتين الحاله أخر رومانسيه.. وفى الحب منشكحين لحد ماوقفنا قدام.. جواهرجى دهبه سمين البنت وقفت متبنجه.. ولسانها مدلدل مترين وعينيها برقوا بشده.. تقولش بقوا كلوبين ياحلوه.ياروحي.ولاترد.. كأنها طرشت الودنين قربت على ودانها اشد.. قلت أقرى المعوزتين لحسن تكون ممسوسه بسد.. وأفك المس اللعين أخيرا مسكتنى من أيدى.. بأيد عرقانين ودخلت المحل وعرقى.. سال على الخدين سألت البياع بكام..الطقم أبو لونين وزن وابتسم وقال..من الألافات عشرين هزت كتافها كأ نها..بنت البرنس حسنين قالت مش بطا ل.. وبصتلى ب...

الشاعر  / جمال فودة  / يكتب  ⭐⭐⭐ بعتب عليك وقلبي قايد نار  ليه دايما قلبك وطبعك غدار  وساقيني من كاسك  المرار دايما تعاهدني على الوصال  وإن الفراق لقلوبنا من المحال والدنيا معاك جنة أحلام وأمال وإن حبي فى قلبك عشق الزمان  و حضن قلبك فيه السعادة والأمان  وإن روحي فى روحك وكلك حنان  اتاريك غدار وحبي بقلبك زي السراب  وتهجرني وتبعد حتى من غير العتاب بدعيلك من قلبي تدوق العذاب  وتقاسي من فراق قلبي الحرمان جمال فوده 5/12/2020

الشاعر  / معوض حلمي  / يكتب  ⭐⭐⭐ موثقة على مدونتي الشخصية معوض حلمي شاعر عامية مربعات  الفلاح  الفصيح ................................  ......  الكل  شاحن  ......  ...............................  مغرور  ع بالو   ماراحل زي  الوحوش  الضواري في القبر نقبو  دا راحل تلعن   خطاه   الحواري غروره  هى  ماديماشي كفنها  .. يستر  .. (بلانا)١   وماشيه هى ماوقفاشي توصل   مسيرها  (بلانا)٢   صاحبك  تأمنه  يغشك ويهد  ..  بايدو ..  بناك   نقي   الطيابه    لعشك تلقاه  .. بروحه .. بناك خليك  من  الغل  خالي وإياك   تعاتب   وتهري ماتقولش  عمي وخالي ولا أخ يسند ف ضهري الدنيا   دايره   ومتاهه غناها  ..  أكبر  .. ( بليه)٣   سبحانه...

الشاعر  / معوض حلمي  / يكتب  ⭐⭐⭐ ...... من وحي التوته ......  .....   ""   التوته    ""  ..... ................................     حلمت  ان  انا  ف حدك هاشوف  حسنك واشوف  قدك     والآقي  الشمس  متحنية  من  وجدك    ومين  يقدر  يشوف  خدك   ويقولك  دا  زي  الورد   ولون  الورد  من  خدك  وقلبك  بيسقيه  شهد   فيطرح  نور  وتدور النجمه  حواليكي  ياقمرايه    وسارحه  في  سمايا    رسمتك  فرحه  جوايا  لعمري  الجاي   ليه  روحتي  وخدتي  الضي   وسيبتي   حبة  ذكريات   دا  الزمان  الباقي  منك  ذكريات  . والذكريات  الباقيه  منك  شيئ  بديع...

الشاعر/ هلال البنا  / يكتب  ⭐⭐⭐ كنت هلال البنا  كنتي حلوه يابتسامتي واغتلوكي البني آدمين  وكنت ماشي باستقامني بهدلوها  شمال  يمين ةةةةةةةةةةةةةةةةةة   كنت  زمان رافع لقامتي  بين الناس طول السنين ماشي ومحفوظه  كرامتي جم  داسوها    الكدابين ءءءءءءءءءءءءءءءءءء كنت كافي خيري شري يحوجوني   للبخيل  وإللي عالم كل سري هو  بس ربي  الجليل بدعيله يكشفلي ضري  ياما  جابلي مستحيل عمري كان فات  بيجري  والآخر  ما لقيت خليل )))))))))))))((((((((( قالوا  ليه ظلمت  نفسي والتبذير  كتير  خطير قلت عالخير  ماتندمشي  وانت  منسي مريض كبير ////////////////////// كنتي حلوه يابتسامتي  واغتلوكي البني  آدمين  وكنت ماشي  باستقامتي  بهدلوها شمال يمين  ...............................  مش زعلان من الزمان أنا زعلان علشان  غلطان من أصحابي    ...

الشاعر  / هلال البنا  / يكتب  ⭐⭐⭐ ياللا بينا هلال البنا  ياللا نزرع ورد  تاني تبقى  فيه ريحة العطور والشجر يطلع  أماني يكبر  ويطرح  زهور كانلي  زرع وكان أناني كان مزروع في أرض بور فين حبيبي اللي نساني  سابني ليه  وغاب دهور  ياحبيبي عودلي تاني  نملا  كل  الدنيا  نور  وهات  زماني  الأولاني  ويا  نور  الحق   يدور ياللا  نزرع تمر  حنه وأرضى ترجع تاني جنه فيها خير ينفع  عيالنا ويبقى نور العدل جالنا  ياللا   نكتب  في الأغاني شعر  يطرح  لحن  نور واللي كان كاني  وماني  كله كدب وكله  زور مين ياناس  يسمع كلامي كله  حب  وكله  خير روح ياطير بلغ سلامي  للنبي بدر  البدور وعالنبي هانصلي تاني  ميت صلاه وتكون قليل  صلي ماتكونشي الأناني  صلي  صلي  عالجليل ياللا  نشرب ف القناني ...

الشاعر  / وليد الشامي  / يكتب  ⭐⭐⭐ «"يا بختها"» اللي فيوم تحب شاعر وهو برضو يحبها وكل يوم يكتب قصايد يوصف حلاوة قلبها "تحلم" يفسر حلمها يبقي أبوها وإبنها ويا غلبها لو ثانية فاتت  وهو قاعد جنبها عمال يتابع تعليقات جايه لقصيدة حبها "إكمنها" دايبه في حبه وهو بالنسبه لها يسوي الحياة دي كلها "ويا غلبها" لو في التعليق حد  قال شعرك جميل وانت جميل تنسي المحبه وقتها والنار دي تاكل قلبها تحصل مشاكل ولا يبقي فاضل غير أنها لو حقيقي كل حبه ليها هيا وحدها يلغي الصداقه كلها لجل ما يرضي قلبها "يا بختها" "يا غلبها" #وليد_الشامي

الشاعر  / جمال رمضان  / يكتب  ⭐⭐⭐ ( أرض بور ) زرعت الورد فى سماها لقيت الشوك  بيملاها ناس ميعرفوش الخير  ناس براها غير جواها  بالحنية بدرت  بذور   ومن عرقى كأنه بحور ناس بتلف وناس بتدور باين  زرعت ف أرض بور كنت فاكر فيهم  غالى  عشت ليهم ونسيت حالى  لا بكيت لا شكيت لا مليت ياريتنى قلت وأنا مالى وييجى الليل  بسكاتُه ناس عايشين لكن ماتوا  ناس لما يحتاجوا  حاجة بيوطوا وكمان بيطاطوا  أزرع ورد  يطلع صبار  أروى الأرض الاقى غبار هو ده بقه حال الدنيا  وليه أحزن وليه أحتار    (  جمال رمضان  )

الشاعر  / سيد الحفناوي   / يكتب  ⭐⭐⭐ ***اوجاع                  **** فين الفرحه ليه مخفيه    قلوب الناس مليانه اسيه كله بيصرخ من الاوجاع   حتى قلوبها مافيها حنيه  اب مكفى عياله بالعافيه   وواحد تانى عاوز سلفيه   راجل طيب نفسه فى عيل يبقى سنده  فى وقت اذيه وواحد تانى عين صايبه  كل فلوسه على الادويه وام فى عينهاشايله ولادها بعد الاب ماجاته منيه واقفه وصامده مع الرجاله   شاربه الصبر مع التربيه لو فيك صحه وعندك عيل احمد ربك فى الفجريه كلمات /سيد الحفناوى