((((( مش هبالغ لما اقولك. )))))
الشاعر / سامح بلال / يكتب
⭐⭐⭐
مش هبالغ لما اقولك
السنة دي انتي عيدي
وانتي حبي وكل أملي
واللي ساكنه مابين وريدي
السنين وشهورها انتي
و الدقايق والثواني
وكل حاجة بقربك انتي
ليها فرحه وطعم تاني
ياقصيدة جمالها اسمك
والشطور تفاح خدودك
والبحور تشبه عيونك
و القوافي من ورودك
والحروف بلاغتها أجمل
لما توصف غصن عودك
يالي نسمة ومن عبيرك
عيشت بحلم أطوف حدودك
واللي شوفته لما نولتك
حب له علامات وطرحت
لما نورتي بوجودك
#سامح_بلال
تعليقات
إرسال تعليق