رابطة الكتاب العرب على الفيس بوك

الشاعر  / عمر بنحيدي  / يكتب  ⭐⭐⭐ قصيدة زجلية : اللي تلف....  اللي تلف يشد الارض  الأرض أم حنينة   منها جينا   وليها راكبين السفينة.   اللي تلف يشد الارض  وإلى قد يشد السما  يدير  الحرف  جنحين   ويطير مغمض العينين      اللي تلف يشد الارض     واللي تلف     وبغا يهرف    من تحت الدف     تنزل عليه مغرف     اللي تلف يشد الارض     مالك اهاذا مع هذا؟     كال ليه رزفو     اش يقول غدّا اللي خلقو    اليوم دنيا و غدا آخرة     كولنا ف. نفس الباخرة     اللي تلف يشد الارض    . يدو طاحت ف. التراب    كولنا للتراب وتم الحساب      اللي تلف يشد الأرض    والأرض طويلة وعريضة   يرخف النفس    ويوقف التنهيدة    ويبدأ...

الشاعرة / سعيدة سرسار  / تكتب ***** عنوان الزجلية : منديل الحب  نادتني لخيوط، سرحت الكبة  فتلت وعاودت، حبة. . حبة  كديت لمرمة وعكدت لغرزات  ومن كية لبعادو حر لشواق  طرزت لك منديل كلو محبة  تجمعت لحروف بحال نجيمات  وكتبت سميتك على شكل وردة  مافيها شوك غير لحب وريقات  لونتها بعشقي والف تنهيدة  ملي تذكرت زمان للي فات  نهار كنت نبتة من النبتات  شحال سقيتيني وشدبتي  وكبرت النبتة ولات شديدة  رياح لقدار بعدت لمسافات  لكن نار الشوق فقلبي كدات  اسميتك يا أمي زينت لمنديل  هي في لساني بحال الشهدة  عنقتها بجوارحي بدموع تسيل  بكيت لمرمة و هولت لكبدة  نطقت لخيوط وعاتبتني :  هي كبرت لغرس ووجدات  هاديك النخلة ديال غدا  دايرة بحساب لفراق وقوية  بحالها مبقات صغيرة و بنية  بقلمي سعيدة سرسار