.... أجمل نهار🌿
الكاتب_ الشاعر أ. إبراهيم سليمان
🌿🌿🌿🌿🌿🌿🌿🌿🌿
(أجمل نهار)
اتحركوا اتحركوا
قبل الحياة ما تنتهي
ونبكي على الزمن اللي راح
قبل الوليد ما يبتدي
يحبي على وجه الجراح
اتحركوا اتحركو
واطلقوا فوه المدافع
على من تجبر
دكوا حصون العدا
واطلقوا صوت الحناجر
اللهُ أكبر
شقوا سكون الفضا
واخمدوا صوت المواجع
وامتى هنعبر
رجعوا عصر الفدا
اتحركوا اتحركوا
دا طريق العزة يبدأ
من عندكوا
دا الصبر مهما طال
هييجي يوم ما تتحملوا
وهينتهي الظلم
تخيلوا لو تتحركوا
اتحركوا اتحركوا
خلوا الصباح
ييجي كل صباح
وايا فجر الكفاح
يمحي الظلام
كل الظلام
كل البكا والنواح
يمحي كل الجراح
يا ولاد مصر الحرة
عمر البلاد ماتنسى الثورة
ولا تنسى اللي يوم وقف
وقال للظلم: لأ
وقال للحرية: جاية
مهما طال الليل
ومهما تعب الطريق
مش هنسيب البريء
ومش هنسيب
حبة رمل حبيبة
في أيدين غريبة
اتحركوا ...اتحركوا
واحذروا ... احذروا
دا عمر الغربا ما يتمصروا
عمر اليهود ما يكبروا
اتحركوا وحرروا
كل العبيد ليعيشوا
فجر يوم جديد
لأجل ما يتحرروا
خلوا شراع الأمل حاضر
واتكلموا ما ينقطع لكم بوح
وبكل صنف ولون
املوا سفينة نوح
ولا مكان للخاين
ولا مكان للجبان
وصنفوا ولموا اللي ظالم
ع اللي نايم
وارموهم للطوفان
اتحركوا اتحركوا
في حضنها على أرضها
دا بيتولد أجمل ولد
قادر وقادر يدفع مهرها
وهنرفع كل يوم أجمل علم
يرفرف على أرضها
لو بس تتحركوا
واتحمل يا صبر الألم
واهتف وقول عدوا الانكسار
وامسك يا نصر القلم
واكتب وقول عيشوا النهار
وشيلوا من عيون أجمل وطن
كل الظلام كل المرار
ورجعوا الأمل رجعوا
كل الأمل رجعوا
رجعوا كل انتصار
عيدوا مجدها رجعوا أرضها
دا نهار بلدنا على أرضها
أجمل نهار
اتحركوا اتحركوا
خلوا الزناد والسلاح صاحيين
لطريق الجهاد والكفاح راجعين
اتحركوا
لفوا البلاد كل البلاد
جمعوا أجمل ولاد
دا بيتولد في كل لحظة
على أرضها أجمل ولد
وهيمحي كل العتمة
من عيون أجمل بلد
والنور هيهل من كل الدروب
ويملى كل مكان
يمحي من القلوب كل السواد
كل السواد
اتحركوا اتحركوا
عيدوا مجدها رجعوا أرضها
دا نهار بلدنا على أرضها
أجمل نهار
اتحركوا اتحركوا
إبراهيم سليمان
تعليقات
إرسال تعليق