... بلاش يا قلبي🌿
الكاتب_الشاعر أ.جمال رمضان
🌿🌿🌿🌿🌿🌿🌿🌿🌿
(@@بلاش يا قلبي )
أنا فرحي اليوم ودعته
ولا ممكن هعشق من تاني
والشوق خلاص أنا سلمته
وها اقول للحب إنساني
والحلم إللي معاك حلمته
كان وهم مالوش أي معاني
ياريتني صحيت وما كملته
لا كنت أنا ولا قلبي نعاني
بس انا قلبي كتير كلمته
عاللي رماه وعاللي رماني
بس إنت إللي برمشك صبته
خليته يرجع يعصاني
قلبي هيتنازل عن طيبته
حتى لو قالوا إنه أناني
أحسن ما يقولوا يا خيبته
ويرجعلي مجروح من تاني
الشاعر/ جمال رمضان
تعليقات
إرسال تعليق