.... شفت جمالك🌿
الكاتب_ الشاعر أ. عبد الكبير محمد
🌿🌿🌿🌿🌿🌿🌿🌿
👁️💝شفت جمالك💝👁️ مانا مليت....الصوت العالي
لو تهمسي....هااكتبلك شعر
شفت جمالك........غير حالي
باقي جوايا........شوية صبر
صاين بيهم......قلبي الخالي
هدي الموج....وبلاش الهجر
سيبي البعد...وهاتي وصالي
عايز قربك.........طول الشهر
نبض القلب....هايصبح عالي
هجرك نار...ورماد على جمر
هاتي أيامك.....تاخدي دلالي
ضحكة بريئة......تزيدك طهر
لو تعيشيني.....ف راحة بالي
تحلا الدنيا..لا خوف ولا قهر
يملى حياتنا.....العشق الغالي
ننسى الكيد ولا زيد ولا عمر
عايز اشوفك......وانتي قبالي
وردة جميلة ف وسط الزهر
قمرك عالي...........نور بيلالي
مش هانعد السنة....كام شهر
**************************
،،✍️بقلم/عبدالكبير محمد أحمد
جمهوريه مصر العربيه المنيا
تعليقات
إرسال تعليق