... ابن الشهيد🌿
الكاتب_ الشاعر أ. محمد السيد يقطين
🌿🌿🌿🌿🌿🌿🌿🌿
ابن الشهيد
يا أمي
يا ماما
يا حبيبتي
هو بابا فين
نفسي أشوفه بعيني
غايب عنا ليه
يمكن أكون زعلته
أو طلب شيء مني ونسيت
قولي لي هو فين يا أمي
أنا خلاص مليت
يا ابني يا حبيبي
يا نور العين
أبوك كان بيحبك
وعمره ما زعل مني أو منك
أبوك سافر بعيد
ويمكن يغيب
وعوزك سعيد
واتمنى لك كل الخير
طيب يا أمي حشوفه إمتى
أصله وحشني كتير
وصورته ديما قدامي
نفسي يخدني في حضنه
يطبطب عليا
وأبوس إيديه
مالك يا أمي
سكتي ليه
دموعك بتجري
سببها إيه
آه يا أمي
الحكاية بانت
أبويا سافر
وفاتني وحيد
إنكسر قلبي
وبقيت حزين
لا لا يا بني
أبوك عمره ما سابك
ولا هاجر بعيد
أبوك لبى ندا ربه
أبوك كان بيخدم وطنه
وبيدافع عن أرضه
مات وراسه مرفوعة
وكلنا بنفتخر به
وإنت ابن الشهيد
إنت ابن الشهيد
بقلمي محمد السيد يقطين. مصر
تعليقات
إرسال تعليق