.... وعد مني🌿
الكاتب_ الشاعر أ. علي عبد الرحيم محمد
🌿🌿🌿🌿🌿🌿🌿🌿🌿
وعد مني
0000
كان لازم اتوجع
عشان اعرف مين هي
كان لازم اتخدع
عشان اعرف مين هي
ومين معايا ومين عليا
وادوق طعم مرك يا أيام
وعد مني
ياللي ف الحشا سكني
ياللي من الهنا حرمني
ياللي ب الهوا قاتلني
تاني مش هفكر فيك
ولا انده طيف لياليك
ولا اكتبك تاني يا حرماني
على سطور الغرام
وعد مني
ل تموتي ف حضن سكوتي
ل تموتي يا حزن صوتي
وتكوني ماضي
ف مقابر النسيان
و تابوت ملامحك
متطرز ب الأحزان
وتدوقي طعم الألام
وعد مني
أزرع الندم الحيرة
أه وازرع الألم والغيرة
ف كحلة عنيك
وعد مني
ل تهوني زي ماهنت
ل تكوني كذب وصمت
وأحلام آه وأوهام
وعد مني
ل تدوقي طعم الألام
ونبضك يندم ولا ينام
وموتي ف حضن سكوتي
وموتي يا حزن صوتي
يا أم قلب لا بيعرف الحب
ولا عمره دق دقة للغرام
وعد مني
بقلم علي عبدالرحيم محمد
تعليقات
إرسال تعليق