.... بحب الوهم🌿
الكاتب_ الشاعر أ.جمال رمضان
🌿🌿🌿🌿🌿🌿🌿🌿
/بحب الوهم /
لسة بدور في منامي
على حلم ضاع زمان مني
أشوفه مرة في أحلامي
وأحس إنه بيسأل عني
باخد صورته في أحضاني
وأقول فيه أشعار وبغني
وأزيد وأعيد وأكتب تاني
قال يعني بيقولي ويسألني
قلبي وروحي وعقلي كمان
عاوزبنٍي أعيش في أحلامي
لكن العين.رافضة الأوهام
قال عاوزة تشوفه قدامي
إحترت ويا العين والروح
مش عارف أعمل إيه تاني
سيبيني ياعين أنسى الجروح
معلش المرة دي عشاني
الشاعر
///جمال رمضان //(
تعليقات
إرسال تعليق