.. . حاسبني🌿
الكاتب_ الشاعر أ.رفعت التميمي
🌿🌿🌿🌿🌿🌿🌿
حاسبني بشرط، أحاسبك برضو
على كل إللي قعدت تعارضو.
وحقك لو مظلوم تاخدو
الحق كتاب ربنا فارضو.
غِيرت عليك وعليا ماغِرتش
دُبت أنا فيك طنشت مالومتش
صدقني جيت أنساك ماقدرتش
راحولك قلبي وروحي ولا ردو.
قولي فين هي إهتماماتك
لو كان ليا وجود في حياتك
ومبتسألش وتطول في بعادك
وأنا كل يوم بتغيبو بعِدو.
أنا هادي خالص أهو وبسمعلك
يمكن تبقى بريء وأرجعلك
وتلاقي ذكرى جميلة تشفعلك
مع إن معاك الحلو ماشفتو.
ـــــــــــــــــــــــــــــــــــــــــــــــــ
نص غنائي بقلم الشاعر رفعت العربي التميمي
تعليقات
إرسال تعليق