... قبل الجمعة🌿
الكاتب
_. عبد الحميد وهبة
🌿🌿🌿🌿🌿🌿🌿
( قبل الجمعة )
ييجي مليون أه مع مية دمعة
وحنين جوايا ونار والعة
وباقيت في غيابه أنا واللهِ
مش شايفة أنا غيره ومش سامعة
وسألته هشوفك تاني إزاي
قال جايلك يوم السبت الجاي
م الفرحة إتمنّيت إن السبت
يسبق ويكون قبل الجمعة
ييجي مليون أه مع مية دمعة
م الشوق واللهفة اللي أنا فيها
كان نفسي أعدّي عشانه بحور
ومشاعري اللي أنا عشت أداريها
هيجيها اليوم وتشوف النور
مش فاكرة تلات أو كان أربع
كان همي لصوته إن أنا أسمع
وأعرف هيجيني أكيد إمتى
وعيوني من الفرحة تدّمع
طول فترة بعدُه مع غيابه
الوقت بعدّه أنا بالثانية
وعشانُه القلب فاتح بابه
ما أنا مش قدامي طريقة تانية
غير إني بجد خلاص أصبر
وأحاول على قد ما أقدر
أتأقلم مع وضعي الحالي
علشان مش أتعب وأتأثّر
بقلمي عبدالحميد وهبه
تعليقات
إرسال تعليق