.... غنوة للحبايب🌿

 

  الكاتب_ الشاعر أ.مرقص اقلاديوس

🌿🌿🌿🌿🌿🌿🌿🌿🌿

غنوة للحبايب

( حوارية نثر ايقاعية بالمحكية المصرية إبداع حر)

بقلم ..مرقص إقلاديوس

.....

إنت تعرف إيه عن الحب

   تعرف إيه؟!

ولما إنت ما تعرفش عنه

  بتحاول تعريفه ليه؟!

   بتحاول تعريفه ليه؟!

....

عشنا سنين بقلوب مليانة حنين.

وعشنا سنين بقلوب عايشة الأنين.

كل ده عشناه لأجل ما نقول إننا عاشقين.

......

قربت مننا ماحسناش بحبك .

قربنا منك وما سمعناش دقة قلبك.

ولما بعدنا عنك ماحستش ببعادنا.

ولما بعدت عننا ماحسناش ببعدك .

.......

اللي يحب بصحيح يشيل حبيبه في عينيه 

ويحس معاه إنه مالك الدنيا بإيديه،

 وإن بعد عنه يدور عليه .

لو عرفت كل اللي انا قلته،

تبقى عرفت معنى الحب إيه.

.....

الحب مش كلمة يقولها اللسان.

الحب لغة العيون من قلب دايب حنين لقلب ولهان .

الحب نار ونور يفجر في القلوب بركان .

الحب احساس بالدفا احساس بالأمان .

الحب وحده يقدر يرجع الإنسان إنسان.

.....

دلوقت تقدر تعريف الحب ،

مادام عرفت الحب إيه .

الحب زرعه ربنا في قلوبنا.

ولازم دايما نشكره عليه .

....

ملاح بحور الحكمة 

مرقص إقلاديوس