... آه يازمن🌿
الكاتبة القدوة_ الشاعرة أ.ايمان الليثي تكتب رائعتها
🌿🌿🌿🌿🌿🌿🌿🌿🌿🌿
آه يا زمن
شفنا فيك العجب
باهت فيك لون الدهب
اِنعدم فيك الذوق والأدب
النخوة بقت شعلة خشب
الحزن عاشقنا بدون سبب
واللي عامل ابن حسب ونسب
طلع عيل سيس
ما بيحترم شيخ ولا قسيس
الغالي فيك بقى رخيص
ساووه بالواطي الخسيس
والمنافق بقى أستاذ
ع الراس بدرجة امتياز
مع إن بيته إزاز
والندل الجبان عامل زي نداغ اللبان
شوية تلاقيه مخاوي إبليس
شاطر في الهري والتهييس
آه منك يا زمن العجب
الدنيا ليه ميزانها انقلب
الحق فيها اتخسف
وبإيه يفيد الأسف
الدنيا يوم تودي ويوم تجيب
كل حاجة فيها قدر ونصيب
ناس تراهن عليها والرهان يصيب
وناس تراهن عليها والرهان يخيب
وعجبي
كلمات حية من واقع مرير بقلمي
إيمان الليثي
ايماسو
تعليقات
إرسال تعليق