... قلب للبيع🪴

 

 الكاتب_ الشاعر أ. مروان هلال

🪴🪴🪴🪴🪴🪴

قلب للبيع...

مين يشتري قلب مليان حب ...

قلب لا يعرف زيف ولا كدب....

جرب كل علاج الطب ...منْفعشِ 

إخلاصه شحنة مليانة ود.....مسْلمشِ.....

صبره صبر الجبال ويزيد لكن للأسف ....إتهد...

مين يشتري قلب ....

محتاج لمسة حنان ...ويفوت في الجبال ...ويسد

مين يشتري كمان دمعة مكبوتة ...

ونعمله ليها خصم.....

دمعة قسى الأيام بتعد....

دمعة فراق ممنوع فيها الرد....

آسف جداً ...

عارف إن البيعة خسرانة...

لإنها كانت لقلوب متعرفش يعني إيه حب...

طيب في عرض لأنفاس معدودة ...

محتاجة حب بجد.....

يترد فيها الروح وتقوم وروحها تشد....

مين يشتري قلب...

بيلتمس كل عذر....

ويداوي زي الدوا والطب....

بيحس في البعاد والقرب....

بينسى القسية وإيده يمد....

يا خسارة على كل حب ...

بإهماله يدور على أي كدب....

مين يشتري قلب....

بقلم مروان هلال