🔷️🔶️الموال🔶️🔷️
الشاعر علي عبد الرحيم محمد
يكتب
🍀🍀🍀🍀🍀🍀🍀
🌿🌿🌿🌿🌿🌿🌿🌿🌿
الموال
٠٠٠٠
كل طلعة شمس
افتح شباك روحي
وانتظر بكرة يداوي جروحي
ييجي بكرة بحزن بوحي
وكل الحروف تكتب انهيار
وازاي يمة احنا تقاوي الغنى
ومبكيانا ليه ديما ف الموال
جاوبي يمة على السؤال
رايحة ل وين بتوبك الحزين يمة
مش ناضر غير خوف وانين وضلمة
ومش سامع غير حيرة السنين وكسرة
وآهات الشوارع وصرخة السكوت
والنبض الضايع من وجع البيوت
وعتمة الأحزان وملامح الموت
شايف ف كل مكان حرمان وشقى
وازاي يمة احنا تقاوي الغنى
ومبكيانا ليه ديما ف الموال
رايحة ل وين يمة
جاوبي على السؤال
الحق يتقال ياخال
ظلم الليل علينا طال
دا احنا أحفاد الشمس
وبذرة الهمس والحس
ولينا عند الغيمة ورث
كيف تمنع عننا الأمطار
واحنا تقاوي الغنى
ومبكيانا ليه ديما ف الموال
جاوبي يمة على السؤال
رايحه ل وين
وحقك عليه يابا
اسمك عاش معايا سنين المرار
وحقك عليه يابا
صدقت الدنيا الكدابة
وزرعت الدقات طيابة
ماحصدت غير خداع الاشرار
وحقك عليه يابا
صدقت الدنيا الكدابة
وفتحت كتاب الأمل
ماشفت غير غدر وعلل
ونفوس جاحدة وغرابة
وقلوب بتدق صخر الجبال
و ظلم الليل علينا طال
جاوبي يمة على السؤال
رايحة ل وين
وعدى العمر بطعمه المر
والحلم ماجاش ولا لحظة يمر
والروح مابتنساش ولا بتمل
ياقلبي ياحزين كدابة السنين
لا ليها صاحب ولا خل
وعدى العمر بطعمه المر
ومش زمنك ابدا دا يا حر
دا زمن الاشرار
وازاي احنا تقاوي الغنى
ومبكيانا ليه ديما ف الموال
جاوبي يمة على السؤال
رايحة ل وين رايحة ل وين
اه ل وين والمطر وين وين يمة
الموال
بقلم علي عبدالرحيم محمد
🌱🌱🌱🌱🌱🌱🌱🌱
تعليقات
إرسال تعليق