... خليك ساكت🌼
الكاتب_ الشاعر أ. رفعت تميم
🍀🍀🍀🍀🍀🍀🍀🍀🍀🍀
خليك ساكت إوعى تنطق،
من غير ماتتكلم بشوف،
بان في عينك مش هتلحق،
تكدب وتخلق لي في ظروف.
باين قلبي وروحي عندك،
كانو مجرد ليك ضيوف،
ولا كان الإحساس معاندك،
وحبك كان إسم في حروف.
لما غبت وغاب سؤالك،
من جوايا حسيت بخوف،
خفت لا يكون شيء جرالك،
جيت لك وقلبي عليك ملهوف،
لقيتك عايش عالم تاني،
انا مش فيه ولا ليك معروف،
عالم قال إن انت أناني،
من بصتك ليا أنا بكسوف.
خليك ساكت إوعى تنطق،
من غير ماتتكلم بشوف،
بان في عينك مش هتلحق،
تكدب وتخلق لي في ظروف.
ــــــــــــــــــــــــــــــــــــــــــــــــــــــ
بقلم الشاعر رفعت العربي التميمي
تعليقات
إرسال تعليق