🔷️♦️مكسور أنا🔷️♦️
الشاعر حسن سعيد مرسي
يكتب
🌻🌻🌻🌻🌻🌻🌻
🌼🌼🌼🌼🌼🌼🌼🌼
عامية
مكسور أنا
مكسور جوايا شىء
ماعرفلهوش دوا
غير إني أعيش مجروح
والجرح ينزف ويتكوى
قلبي إللي كان حضن
ماطلش غير شوك الغصن
ياما كتير اتحمل
يتألم يضحك و يتجمل
لجل المركب تمشي
مشت بيهم و أنا غرقت
وعيوني كتير بكت
أضلل عليهم ومن
نارهم أنا اتحرقت
طيب يا طيب
في زمن ماهواش طيب
معرفش العيب فيا أنا
ولا العيب في طبعهم
أداوي أنا جرحهم
بجرح فيا من ظلمهم
وإن يوم قسيت وعاتبتهم
يجيبوا الحق عليا أنا
خلي المكسور مكسور
والمسرور مسرور
بجرحي أنا
وهم وكتير أنا صدقته
لما تقول حاضر بتريح
ريحت الكل ما ارتحت
ولما نويت ارتاح
الكل على راحتي ناح
وجاب الحق عليا
إمتى الألم يموت جرحه
والقلب ييجي يوم
ويعيش فرحه
هو المدبوح بيبوس
إيد اللي دابحه
✍🏿حسن سعيد مرسي
نبضة على سطري
تم الحفظ والتوثيق
🌻🌻🌻🌻🌻🌻🌻🌻🌻
تعليقات
إرسال تعليق