تعبت
الشاعر جمال فودة
يكتب
🌹🌹🌹🌹🌹🌹🌹
🌹🌹🌹🌹🌹🌹🌹🌹🌹
تعبت
تعبت يادنيا بقسوتك ظلماني
يادنيا من حلو الحياة حرماني
وبقسوتها وطعمها المر سقياني
وبالهم والآسى دايما محملاني
بجبروتك معانداني وعن السعادة بعداني
ومن البسمة بخلانة عليا ومخصماني
العين بتبكي من حسرة قلبي
والقلب بيبكي على بختي وحظي
مجروح وجرحي نزيفه دمي
الهم همي ومين يرفعه عني
والعين باكية وفاضت من دمعي
والروح بتصرخ وصرختها ألمي
والآنات نغمة آهاتها لحني
يادنيا خاب فيكي حظي وظني
وضاع فيكي حلمي وأملي
وشمس نهاري غَرَبِتْ ومعاها زهر عمري
وقمر ليلي زاغ وأفل معاه نجمي
لا شفت من الأحبة نظرة تسعد قلبي
ولا سمعت منهم كلمة تجبر خاطري
ولا صاحب جنبي يواسيني في همي
ولا قريب بقربه يسعفني ويجبرني
يادنيا بكفاية ظلم وقسوة تعذبني
هدني ظلمك وظلم الأحباب قَتِيلْني
يادنيا فطمتيني على همي وحزني
أشكي لمين من قسوتك ينصرني
لرب الوجود شكوايا بعدله ينصفني
ومن آلامي وعذابي برحمته يرحمني
جمال فوده
31/12/2023
🌹🌹🌹🌹🌹🌹🌹🌹
تعليقات
إرسال تعليق