السجين
الشاعر وليد حسانين
يكتب
🌹🌹🌹🌹🌹🌹🌹🌹
🌹🌹🌹🌹🌹🌹🌹
السجين
للبلياتشو!!
كل مافي الكون جنون كل مافي الغيب ظنون
والحقيقة إنك سجين بين سجون مال أو بنون
الحياة تسوى إيه وانت دونها تسوى كام
عشت تسأل كم وليه والجواب تاه في الزحام!؟
عاملة مشغولة عليك لو في يوم صابك زُكام
ماسكة ديما في إيديك وتسيبك عضم و ركام
الحياة إيه غير دقيقة والثواني فيها نور
والأماكن مش بريئة شاهدة على كل العصور!!
يعني إيه دنيا يا ناس واالا مين فيها بطل
قلت أحارب قالوا عاش يومها وقفني القدر!؟
يعني إيه دنيا يا ناس يعني إيه جنة ونار
هو انا جتها وخلاص واالا في الغيب اختيار!؟
قالوا باشا قالوا بيه قالوا حلم في المنام
هي هانم في عينيه واللي بينهم مش كلام
الحياة شك ويقين وانت فيك كل البشر
عشت ياما كتير سنين بس شيء فيك انكسر!!
مش غريبة إنك غريب جوه دنيا من الغرايب
الغرابة والعجيب لما تلقى العقل غايب
الحياة قسمة ونصيب والنصيب مليان تجارب
قالوا عنها كلام رهيب لما غاب فينا المحارب!!!
شعر
عامي
للبلياتشو
وليد حسانين
٣٠/٨/٢٠٢٣
(القاهرة_مصر)
🌹🌹🌹🌹🌹🌹🌹🌹🌹
تعليقات
إرسال تعليق