بطلت أعاتب أي حد
الشاعر رفعت العربي التميمي
يكتب
🌱🌱🌱🌱🌱🌱🌱🌱
🍀🍀🍀🍀🍀🍀🍀🍀🍀
بطلت أعاتب أي حد إتخلى عني،
لما شافني في شدتي وغاب سؤاله،
وهنسى خلاص الطيبة مع إللي قل مني،
وكل واحد مننا يخليه في حاله.
يحرم عليا عيش وملح كل إللي خاني،
لما فكر السند في الدنيا ماله،
ونسي الزمن دوار وبكرة هيقابلني،
لما يلاقي مية عدو واقف قباله.
وأفكره بالوقت إللي كان فيه بيعايرني،
ومن غير شماتة يارب ولا هفرح بحاله،
وأشوف إنكساره وهو مطاطي وبيحايلني،
ويحس إن سنده كان أنا وفي الشدة شاله.
ـــــــــــــــــــــــــــــــــــــــــــــــــــــــــ
بقلم الشاعر رفعت العربي التميمي
تعليقات
إرسال تعليق