⚘️⚘️ويقولك⚘️⚘️
الأستاذة أسماء عبد الله
تكتب
🌻🌻🌻🌻🌻🌻🌻🌻
🌻🌻🌻🌻🌻🌻🌻
ويقولك ميكس ومتلخبط
من حبة هدوء على حبة جنان
على فكرة ..
دا عادي وطبيعة
ما بناكل كيكة ورا بدنجان !!!
مش شرط ولازم تنفيذه
إني ابقى ف أحداث دورية
محبوس جواها ما بنطقشي
متبهدل وتمرمط فيا
انا يعنى ملاك ؟!
دانا روح إنسان
بتصلي وللقرآن حافظ
بتدندن تسمع أغنية
وبتقفل خالص مش عايز
حسنات من كل البشرية
وبتشكي صداع ييجي على سهوة
نفسك يتحقق ما بتهوى. !!!!
إشرب شاي واتصوره قهوة
يمكن لإيقاعك دا يزَبَط
وجنان الميكس المتلخبط
تلاقيله رزان
واهو حتى الواقع يتغير
وتشوفه
زي ما تتصوره رهن الإمكان !!!
أسماء عبد الله
🌻🌻🌻🌻🌻🌻🌻🌻
تعليقات
إرسال تعليق