💫💫الاستاذ.....جمال زكي عينر....يكتب ....ولسه .... 💫💫
( وِلِسَّه ؟ )
ولِسَّه عايش بالأمل ؟
من غير زهق
من غير ملل
مستني لِسَّه عمر تاني
عايش آمال وهم واماني
العمر خلاص ما راح مِنَّك
فعيش وقتك
وعيش سِنَّك
حرام تضحك على روحك
خلاص ده ماعادش ييجي منك
ولِسَّه ؟
وِلِسَّه فاكر دنيتك
فاتحة الايدين
محتاجة ضمة حضرتك
من حين لحين
إنسى يا عم وفوق بقى
إنسى اللي فات
أيام زمان
راحت وِوَلَّت من سنين
إنسى
إنسى بقى كلمة لِسَّه
رن الجرس بعد الحِصَّة
والفسحة خلصت والعيال
مالهومش ولا صوت ولا همسة
وبقيت كإنك متهم
مستني دورك في الجلسة
والحكم آخر الجلسة كان
وقتك خِلِص ومفيش لِسَّه
الحكم آخر الجلسة كان
وقتك خِلِص ومفيش لِسَّه
جمال زكي عينر
تعليقات
إرسال تعليق