💫💫الأستاذ......ياسر بسيوني......يكتب.... جاي بتقولي....💫💫
... جاي بتقولي ...
ياسر بسيوني
،،،،
جاي بتقولي حرام البعد
هو انا يعني بعدت بايدي
دا كل غرامك هجر وصد
وانا اللي غرامي فاق الحد
وانت معايا وجوه وريدي
جاي بتقول انك ندمان
ولا عشان ان انا انسان
بركن زعلي واشوفك عيدي
جاي بتقولي حرام البعد
هو انا يعني بعدت بايدي
كل القسوة دي كانت فين
وانت النني وانت العين
وانت التاج على راسي يا سيدي
كنت الحلم بنيته قصور
كنت الشارع كنت الدور
كنت النبض معاك تنهيدي
أصبح قلبي كيان مهجور
بعد ما كان شعاع من نور
كان لك كوخ والسقف جريدي
جاي بتقولي حرام البعد
هو انا يعني بعدت بايدي
شوف من امتا انا بستناك
قبل ما اشوفك روحي معاك
كنت الوعد وكنت وعيدي
ليه الدنيا بتظلم فينا
دايماً بتكتف خطاوينا
ليه بيحلالها وأد وليدي
جاي بتقولي حرام البعد
هو انا يعني بعدت بايدي
....
تعليقات
إرسال تعليق