🌟⭐حاجات⭐🌟
الأستاذة ميرفت هلال
تكتب
🌿🌟🌿🌟🌿🌟🌿🌟🌿
🎈🎈🎈🎈🎈🎈🎈🎈🎈
حاجات
عايشة جوايا حاجات
من زمن أهو
عدى و فات
لا بيفهم حد طريقتي
و لا لي في التفاهات
عايشة بدفن احساسي
بتدارى في أهلي و ناسي
مرسوم لي طريق
من يومي
بعديه بكل ثبات
قابلت بشر ألوان
بلا اسم و لا عنوان
تاهت خطوتي وسطيهم
خنقوني بالحكايات
الخير مش طبع أصيل
مهما يحاولوا التمثيل
ربي بيكشفلي ضميرهم
قال إيه عملينلي أخوات
و شبعت من الروايات
و الكذب و الحكايات
منا أصلي لا شبه دنيتهم
و لا أحب اعيش في شتات
عايشة و بداري همومي
مزحومة بين أمسي و يومي
وخداني كتير أزمات
و يشوفوا ضحكتي و يقولوا
دي عايشة ولا الملكات
بتروح الناس و تغيب
فيها عدو و فيها حبيب
و مفيش غير عملي الباقي
شايفه رب السموات
عايشة و جوايا حاجات
من زمن أهو عدى و فات
بقلمي ميرڤت هلال
🎈🎈🎈🎈🎈🎈🎈🎈
تعليقات
إرسال تعليق