⚘⚘قالوا شاعر⚘⚘

  الأستاذ رفعت العربي التميمي 

يكتب

🌲🌲🌲🌲🌲🌲

🌲🌲🌲🌲🌲🌲

قالوا شاعر  ،  قلت ياريت،  

شاعر  ازاي وانا اللي عمري ما اتحبيت، 

منا لو شاعر باللي بكتبله، كنت بحبه اكيد حسيت.

 اهي كلمة عليا محسوبة، وشعري كلام.

 هوى من نفس مغلوبة، ما عارفة تنام. 

وروح تايهة ونداهة في وسط زحام،  

لعرض في سوق لبيع الحب والاوهام. 

كلام اوقات ما بتطول بننساها، 

لا ليها معنى ولا ذكرى ان جه بكرة ما نلقاها. 

ويقولوا نصيب ويتعوض وتتهنى بغيره معاها. 

واحس اللوم من اللايمين مفيش غيري اللي مش شمتان، 

معرفش دا ليا ولا لمين ولا خسارة الحب في الغلبان. 

ورغم حروفنا اللي بتكدب، بس بنكتب، لنطق نموت من الأحزان. 

قالوا شاعر قلت صحيح، شاعر بوحدة وفيها تعبان. 

ومش لازم في كلامي توضيح يكون ليا،

 دنا ليا حروف جامعة الحزن كلية، والحلو فيها مش ليا.

وبدون تسريح  ، اشعاري تفيد غيري بعامية، دا لو عاشق، وكفاية عليا اعيش الحب بالنية.

ـــــــــــــــــــــــــــــــــــــ

عامية بقلم / الشاعر رفعت العربي

🪴🪴🪴🪴🪴🪴🪴