⚘⚘وشوش تعالب بقلم منى شحاتة ⚘⚘
((وشوش تعالب))
بقلمي ((منى شحاتة))
جمهورية مصر العربية
رسمت كتير وكتير
احلام ملهاش تفسير
غير بس في خيالي
احلام ملهاش وجود
بناس أصيلة في طبعها
عارفه أنه حلم زيادة
اوي ومثالي
لكن بخيالي وبحلمي
ببعد بعيد بلاقيني في
طريق مسدود
بدايته فرح وعيد
ونهايته دموع تنزل
ع الخدود
بحلم بحلم خايب عبيط
بحب حقيقي لكن مالوش وجود
حلم سهل وبسيط
لكن مقفول بحديد
مش شايفه قدامي
غير بس طشاش
من بعيد
وفيه عينات منها كتير موجود
دا طبعا بكل تأكيد
وشوش بقناع تعالب
مش ظاهرة فيها أنياب
لكن. بمكرها بيدخل
ع الفريسة ويديها الأمان
ويفتح لها الأبواب
لكنه طبعا ماكر وكداب
ويعيشها في وهم
جميل وسراب
ويوم ورا يوم ورا يوم يختفي
ويقوم بالانسحاب
ويعيش حياته عادي
ويقفل وراه الباب
يبقى خليني كده في حلمي لأن الحقيقة
للأسف كلها ذئاب .
والذئاب بالأصل أصولهم أصول كلاب.
خيال الصورة
بقلم
تعليقات
إرسال تعليق