⚘⚘ القناعة بقلم د. علي مسلم عجمي ⚘⚘
القناعة… ..للشاعر.. د. علي مسلم عجمي
------------
القناعة كنز ما بيفناش مالو
كنوز الكون كلها رأسمالو
القناعة رضى بالمبدا و تعالي
بحكمة و عقل أبعد من مجالو
مش تجلس ببيتك إنعزالي
متل إنسان بيصارع خيالو
و تقول له أنا راضي بحالي
قسمتي هيك ما برضى بدالو
فرق كبير في إنك مثالي
قنوع .و تترك طموحك لحالو
و على اللاشيء تصبح إتكالي
و ما تـفرِّق حرامو عن حلالو
تخللي الطمع بشرورو يلالي
و يفقد عقلك و ينقص كمالو
الدنيا ما بتعطيك الغوالي
و كل شي إنت حبيتو بمنالو
القناعة بس شو عندك وِصاله
زيادة هوى بتعطيك و أمـالو
قليل من القناعة و في عداله
و قليل من الرضى و بـإحتمالو
و قليل من الصبر ما يكون بالي
بتعيش العمر كله بجَمـالو
القناعة رضى أما الطمع عاله
رزقك بالسما و سَعيك قبالو
و إذا حبك حدا الحب المِثالي
بقناعة فيك ما بيترك وِصالو
صعبة لأي حدا غيرك يبالي
القناعة فيك رسّخلو فعالو
لهذا السبب قالوها الخوالي
القناعة كنز ما بيفناش مالو
الشاعر… د.علي مسلم عجمي
لبنان
تعليقات
إرسال تعليق