🌲⚘طبطب على مصر⚘🌻
الأستاذ عبد الرحيم علي
يكتب
🌲🌲🌲🌲🌲🌲🌲
🌻🌻🌻🌻🌻🌻🌻🌻
طبطب على مصر
_____________
طبطب على مصر وبوس راسها
واكتب يا تاريخ فوق كراسها
ربي اللي خالقها وحارسها
واحنا نهننها ونحميها
هرمين واقفين يا تاريخ كبّر
والنيل محلاه الله أكّبر
بجماله وبالحب نعبّر
وايامنا الجايه نعدّيها
طبطب ما تقصرش في حاجه
عمرها ما في يوم كات محتاجه
لا تقولي لا هندي ولا خواجه
ما في غير المصري يحنّيها
طبطب على مصر وغنيلها
وان طلبت اذكر مفاتنها
دي عروسة في كوشه وعلى نيلها
ألّف في غناوي وغنيها
طبطب على مصر وحييها
سلم على ناسها واراضيها
وان يوم تنده لك لبّيها
وان طلبت لازم ترضيها
طبطب وازاي ما تطبطبش
وازاي لغضبها ما تغضبش
دي حبيبتك منها ما تهربش
ولا ترحم في الكون اعاديها
طبطب على مصر وشيل توبها
وازرع كان ورده على دروبها
وان كان دا قدرها ومكتوبها
في صلاة الفجر ح نرقيها
طبطب ما تقولش أنا كان مالي
دا مصر دي امي وراسمالي
والجنة هناك واقفه قبالي
بالحب نطرز حواشيها
أنا اصلي العاشق لترابها
دي عروسة وماكتر خطابها
واقفين ملايين هنا على بابها
بالحب نصونها ونحميها
عبد الرحيم على
28. 5. 22
🌻🌻🌻🌻🌻🌻🌻🌻
تعليقات
إرسال تعليق