⚘⚘سوق الغرام⚘⚘
الأستاذ جمال زكي عينر
يكتب
⚘⚘⚘⚘⚘⚘
⚘⚘⚘⚘⚘⚘⚘
( سوق الغرام ) :
يا اللي ابتليت بالهوى
الله يكون في العون
اللي انشغل به هوى
في العشق صابه جنون
طول عمري عايش في حالي
لا حب ولا محبوب
لا خِل يشغللي بالي
ولا قلبي منه يدوب
سوق الغرام بهدله
خدَّاع ومش مضمون
يِحرَم عليا ادخله
ولا عمري حبقى زبون
يا مبتلين بالهوى
كنتوا اسألوا المِنصَاب
كنتوا اسألوه ع الدوا
وأخدتوا منه جواب
اللي ابتلى بالغرام
بيعيش حزين مهموم
حياته هجر وخصام
وعتاب وشك ولوم
خليك يا خالي في حالك
لا حب ولا أحباب
آه م الهوى لو طالك
ده اللي ابتلى بُِه ما طاب
آه م الهوى لو طالك
ده اللي ابتلى بُه ما طاب
بقلمي الشاعر جمال زكي عينر
⚘⚘⚘⚘⚘⚘⚘⚘
تعليقات
إرسال تعليق