🍀⚘كنت وحدي⚘🍀
الأستاذة تهاني بركات
تكتب
⚘⚘⚘⚘⚘⚘
⚘⚘⚘⚘⚘⚘⚘⚘
كنت وحدي.....
مد ايدك جوه قلبي
امسح الأحزان و عدي
شمسي غابت عني بدري
قلبي رافض بس يبكي
....طيب احكي...
الأب مش بس السند
هو الثبات هو الوتد
يوم رحيله كنت وحدي
كنت باسمع صوت خانقني
صوت بيزلزل جوايا قلبي
و بيتنفض في لحظة عمري
شفت الدموع رافضة تحكي
عني يوم ما أبويا فاتني
كل الوشوش في عيني باهته
حاسة إني صخرة جامدة
قدام الناس أيوه واقفة
صالبة طولي و عيني شاردة
و جوايا حرب و ناري أيده
حتى الحروف مني هاربة
خايفة أصدق أيوه خايفة
أبويا مات......
صحى جرح اللي قبله مات
هات معايا و املا السكات
و اكتبني في خانة الذكريات
كل الأحلام اتبخرت
و الحياة اتلخصت
في كلمة مات.....
تهاني بركات ٢٨ / ٣ / ٢٠٢٢
🌲🌲🌲🌲🌲🌲🌲🌲🌲
تعليقات
إرسال تعليق