🪴⚘لو مليش⚘🪴
الشاعر شريف الرومي
يكتب
⚘⚘⚘⚘⚘⚘⚘
⚘⚘⚘⚘⚘⚘⚘⚘⚘
لو مليش
لو مليش غيرك سكن
بين ضلوعك مسكني
لو مليش غيرك وطن
جوه حضنك موطني
هو مين في الدنيا زيك
انت شمس غمرنا ضيك
حتى في الليل القمر
و الله نوره يقل جنبك
انت حبات المطر
وسط صحرا مجدبه
الورود لو هل طيفك
تبقى بيكي معجبه
انت و الله مخلتيش
هو مين زيك مفيش
بسمتك تفتح بيبان
م الامل مبتنتهيش
الزهور وسط الربيع
لو تشوفك تتكسف
هو مين يقدر يا عمري
جنب سحرك يتوصف
انت بحر من الحنان
جنب منك الامان
النجوم وسط السما
تيجي جنبك تتقطف
شريف الرومي
⚘⚘⚘⚘⚘⚘⚘⚘⚘⚘
تعليقات
إرسال تعليق