💖🌲إلى أمي💖🌲
الشاعر محمود صبحي
يكتب
⚘⚘⚘⚘⚘⚘⚘
⚘⚘⚘⚘⚘⚘⚘⚘
إلى أمي 💔
زي النهارده ونفس الوقت من سنه
راح الأمان راح الحنان
راح كل الهنا
راحت أمي لرب العباد
كان نفسي
أعيش ويّاها ولو سنه
مكنتش اعرف
انك هتوحشيني كده
مكنتش اعرف ان البُكا
ووجع الحنين بيكون كده
وبإيه يا أمي يفيد بكايا أنا
ف نص الليل والعتمه
يا أمي بفتكرك
سامحيني لو يوم . .
ضَنيت فِكرك
سامحيني لأني
ما وفّيت شُكرك
ومين يقدر
يا أمي على ده جميل
رب العباد يا ست القلب والرّوح
أكيد أحن عليكي م الدنيا ومِنّنا
من بَعدك يا غاليه كل شيء هان
ومفيش بعدك غير الهوان
وبقيت
وسط العذاب تايه والمُنى
ومنايا إني اشوفك يا أمي
ولو حلم
صدق اللي قال بحق الأم
عنها مفيش أبداً غِنى
النهارده الناس بتبارك بعضها
بيقولو خلاص
فات سنه وجت سنه
وانا لو حد بارك يا أمي ببكي
طب إيه أقوله وعليه أرد أنا
ما هو مش عارف
انه رماني بقسوه و جنَى
وحشتيني يا ست الكل والدنيا
ودايمًا ف بالي بدعيلك ياغاليه
بدعيلك يا أمي
ف كل وقت بيعدي وأدان
بدعيلك
في كل سجده في الصلا
يارب تكوني مع النبي العدنان
بدعيلك تكوني ف نعيم جنة ربنا
🤲🤲🤲🤲🤲🤲
محمود 💔
⚘⚘⚘⚘⚘⚘⚘⚘⚘⚘
تعليقات
إرسال تعليق