****** أمي ******
الشاعر / هلال البنا / يكتب
****** أمي ******
أمي يا غاليه يا أماه
يانعمه أنعمها الله
أمي صاحبة فضل عليا
وخيرها مين يقدر ينساه
أمى كانت تحكيلى لما
وانا صغير وقولها مما
كانت تديني البسكوته
وتقول كلها بسم الله
أفرح بيها وأقولها توته
ولما أعطش وأقول إمبوه
أمي تقول يا مﻻيكه إسقوه
وتفرحبي وتكون مبسوطه
واتمشينى على المشايه
زي الطفله صغيره معايه
وعند النوم تحكيلي حكايه
أنعس تيجي تديني البوسه
أمى هيه أحلى روايه
و مالرحمن هديه معايه
وفى القرآن أكتر من آيه
أمي ياغاليه يا أماه
يا نعمه أنعمها الله
ياللي دعاكي عز وجاه
فضلك مين يقدر ينساه
واحنا رضاكي بنتمناه
ف الإسلام يؤمرنا الدين
بالإحسان للوالدين
واحد منهم أو لتنين
وطاعتهم من طاعة الله
أمي ياغاليه ياأماه
إنتي وابويا عز وجاه
والإحسان من أمر الله
وصانا بيكوا رسول الله
إستغفار في كل صلاه
أمي يا غاليه يا أماه
........ ......... .........
بقلمي هلال البنا
****** أمي **********
تعليقات
إرسال تعليق