(روبابيكيا )
الشاعرة/ داليا يحيى / تكتب
قصيدة (روبابيكيا )
.......
روبابيكيا
قرب تعالي وادخل وشوف
زمن العجايب
أدخل وشوف وإنده بأعلي
صوت ع اللي موجود واللى
غايب
قرب وشوف قلوب قديمه
تعبت خلاص مركونه فوق
رفوف الزمن والرف م
الهم دايب
شباب والله لسه بس قلبه
هو اللى شايب
......
وناس بتتهان وبالرجول
تنداس
وينسي قليل الأصل
إيدين كان يحلم في
يوم تنباس
.......
لكن في سوق الخيانة
كلة بيهون وبأرخص
تمن تنباع
لا فارق معاه عشرة ولا
كلمة وداع
وعندك هناك دمعتين باقيين
في ركن الآلم متحجرين
إردم عليهم بالتراب دا
صاحبهم ياما شاف
من خداع
.......
أيوة روبابيكيا.....
تعالى هتلاقي قلوب مكسوره
متجمعين
وناس مرميه ف كل ركن وكل
شارع مجروحين
لا تعرف عايشين هما ولا ماتوا
من سنين
إلا غرب نفسه جوا حزنه واللى
ماشي وعاقله راكنه يروح شمال
يجي يمين
اللي ساب كل اللي عنده كل اللى
حيلته واشتري بيهم
يومين
أيوة بيكيا....
......
بتبيع كل اللي إترمي من شباك
السنين
من ذكري لجرح وندم ودموع
كانت من عدم خساره تنزل ع
اللى مش غاليين
كانت بتنزل تكوي وتحرق
وهما قلوب بايعه ومش
شاريين
وناس قلوبها زي الحجارة
وناس ضمايرها مش
صافيين
وكلة بقي علي بعضه وشيل
........
روبابيكيا وإنده بعلو الصوت
خلاص روحنا ومش راجعين
ونرجع ليه ونرجع لمين
داحنا في زمن العجايب
متشردين
وإتقسمت جوانا روحنا
وبقينا بنلملم جروحنا
واللى باقي فينا إيه
صورتنا دي ولا شبح
السنين
إنده ياعم وقول كمان
بيكيا
أحسن لنا نعيش بين الطرق
متنقلين
أحسن ما نفضل بين الضلوع
متكسرين
بيعصر فينا الآلم والندم علي
روحنا اللي كنا ليها
ناسيين
وهانت علينا ولذولها
راضيين
وظلمنا فيها وفينا ولسه
ليها ظالمين
إستنى خدها معاك وسط
القديم
يمكن يحن عليها
قلب..ويكون يتيم
داليا يحيي
تعليقات
إرسال تعليق