" سمك 🐟 - لبن 🍼- تمر هندى 🍺 "

الشاعر / خالد فاروق / يكتب

( بالعربى ... صعيدى )

• جايز أكون أنا، عايز أكون غيرى

• بس اللى مش ممكن، أسرق وأقول خيرى

• ومنين هيجى الخير؟؟!!!...لو يدى راح تسرح ...جوه جيوب الغير!!!

• يمين بالله حالف، شرعه يبقالى حد

• حدى إن أصلى صعيدى، ما عارفش غير الچد

• لو يسرق ضناى ... ينقام عليه الحد

• تقاليدنا هى جذورنا ... مدَّاد لسابع چد

• عايرونا بالتار ... والدم كونه ... حار

• يغير على عرضه ... يغسل بيده العار

• لو القصاص ناجز ... ما كان كواتنا النار

• أنا برضه ع العشره ... رايدها تبقى عمار

• أهلى وأحبابى ... يملوا علينا الدار

• وحرمنا ست مصون ... تحفظنا ونصونها

• و الغالى مهما يكون ... يرخص فدا عيونها

• يقولولى ليه بتغير ... عليها وتحابى

• أرد أقول ،كنزى ... وأعز أحبابى

• وعشان صعيدى أنا ... هتمنى أكون أنا

• مش حد تانى يعيش ... بالضعف والمسكنه

عجبى ...

( خالد فاروق )

رابطة الكتاب العرب على الفيس بوك