( كـن مـع الله)
الشاعر / علاء النحراوي / يكتب
قصيدة
( كـن مـع الله)
------------------------------
مهما الدنيا عليك بتضيق
عاش الهم معاك ك رفيق
اذكر ربك يبقي معاك
دايما سندك طول الطريق
ـــــــــــــــــــــــــــــــــــــــ
يوم ما تلاقي الهم جبال
وتحس ان فرجه محال
صلى واسجد للعدنان
تلقي معاه تبديل الاحوال
ــــــــــــــــــــــــــــــــــــــــ
اذكر ربك وذكر قلبك
تنسي معاه الهم وغلبك
ربك دايما رحيم بعباده
راجع سيرة ناس كات قبلك
ـــــــــــــــــــــــــــــــــــــــــ
فتحوا بلاد وهزموا كتير
عاشوا حياتهم كلها خير
ايمانهم دايما كان بالله
يا بخت معاه رب كبير
ــــــــــــــــــــــــــــــــــــــ
يوم ما تلاقي الدنيا عليك
وتلقى الدنيا سوده ف عنيك
مين غير ربك راح تناديه
هو لوحده راح يغنيك
ـــــــــــــــــــــــــــــــــــــــ
يلا اتوضى وطهر قلبك
اسجد سجده واشكر ربك
وانسى الهم وكيف ما يكون
تلقي النور ملازم دربك
ــــــــــــــــــــــــــــــــــــــــ
تلقى الصدر اوام مشروح
كل الهم ف ثانيه يروح
تلقي الراحه ف كل دقيقه
حتى القلب ما عاد مجروح
ــــــــــــــــــــــــــــــــــــــــــــ
ربك وحده دواء الألام
بالقران وبأحلى كلام
عطر قلبك بالايمان
تلقى سعاده طول الايام.
ـــــــــــــــــــــــــــــــــــــــــــــ
بقلم.: عــــلاء النحـــراوى
تعليقات
إرسال تعليق