جوايا رافض
الشاعر / جمال رمضان / يكتب
( جوايا رافض )
لما كنت بعشقك كنت بصدقك
وكنت قبل ما تغضب مني بلحقك
النهاردة خلاص أيوة خلاص
لا هكدبك ولا حتى ممكن أصدقك
كنت بقول لروحي إنك إنت الحياه
ولا عمري حسستك بالألم ولا قلت آه
كنت بخاف من كل حاجة عليك
والقلب كان بيقول عليك إنك مناه
حتى الدموع كانت بتنزل دافية
كنت بداري حزني صدقني بالعافية
كنت بقول إنت اللي في الدنيا ليا
حنيتي ليك هي اللي جابتلي الكافية
هقولك إيه وإعيدلك إيه مش عارف
كنت بشوف غدرك وعامل مش شايف
لكن خلاص أيوة خلاص
أنا لو رضيت جوايا رافضك وحالف
الشاعر
( جمال رمضان )
تعليقات
إرسال تعليق