((((( جايلك ف عيد المغرمين. )))))
الشاعر / سامح بلال / يكتب
⭐⭐⭐⭐
جايلك ف عيد المغرمين
وف عيني حب مايتحكي
جايلك بشوق عدا الحدود
ياجميلة وأول فرحتي
مين قال ف يوم العاشقين
ممكن همل او اشتكي
ماخلاص بقيتي كل شيء
وطريق حياتي وجنتي
والنبض انتي والغرام
وم الدنيا كنتي هديتي
ياام العيون بتبوح بشوق
فيها البلاغة كلها
وحنين بيطرح كل يوم
ملهوش لعشقك منتهي
كل اللي شوفته من الخيال
وياك حقيقيه وعيشتها
زهرة فؤادي والأمان
وقصيدة اسمك سحرها
هكتب ف حبك م البحور
وانثر وارتب ف الشطور
بحروف تغردها الطيور
وارقص معاك على لحنها
جايلك ف عيد المغرمين
وف عيني حب مايتحكي
جايلك بشوق عدا الحدود
ياجميلة وأول فرحتي
#سامح_بلال
تعليقات
إرسال تعليق