((((( ناس قبلي. )))))
الشاعر / علي عبدالرحيم محمد / يكتب
⭐⭐⭐
ناس قبلي
-------
ناس فبلي اللي انا منهم
ملامحهم مزروعه من شمسهم
وخفة الظل مصنوعه من دمهم
وعادات وتقاليد ف الكلام والحواديت
ف الاكل واللبس ف الحده وعلو الحس
بس دا ورث يا بوي عن اهلهم
ناس قبلي اللي انا منهم
العمه البيضه اللي مظهره
والعبايه ع القشميره اللي متقطنه
والعصايه العوجه مع التكشيره المتغيره
والطبع الحامي اللي بيصرخ
مع صوت الخطاوي المتبعتره
دا سلوهم ودا طبعهم ودا زيهم
بس يا عم لو جيت وسلمت
على تراب ارضهم
هتلاقي قلب ابيض دافي
هتلاقي وش بشوش صافي
هتلاقي الكرم اللي من غير عشم
هتلاقي التواضع ع الكفوف
وهو بيحضنك ويبتسم
هتلاقي الطيبه اللي من غير عيبه
بتملا وتصب ف بحرهم
ترويك وكآنك واحد منهم
تخليك تحسهم وتودهم وتحبهم
مانا عارفهم عايشهم انا ياعم منهم
ناس. قبلي
على عبدالرحيم محمد
تعليقات
إرسال تعليق