((((( على الماني ع الماني. ))))
الشاعرة / ملك محمود الأصفر / تكتب
⭐⭐⭐
على الماني ع الماني
......................................
على الماني ع الماني
شو هالحالة التعبانة
لافي غاز ولا مازوت
العالم كلا بردانة
....................
رحنا لنعبي مازوت
عالبطاقة الذكية
قالولي سجل عالدور
وبدك تنتظر شوية
ويا ويلي صرنا بكانون
ومرقت نص الشتوية
وبعدو ما وصل المازوت
والناس كلا قرفانة
...................
على الماني ع الماني
الجيبة صارت فضيانة
وخلصت المونة بالبيت
والناس كلا ضجرانة
....................
ورحنا نبدل جرة غاز
قالولي إنو مفقود
وقالوا سعرو صاير نار
وحاليا منو موجود
قلنا منصبر يا ستار
تا يحلا الرب المعبود
ولما بيتوفر هالغاز
مناخد جرة مليانة
.....................
على الماني ع الماني
القصة مانا حرزانة
نسبسب بالعبري ونقول
البشر كلا خوانة
......................
والكهربا يخزي العين
كل يوم بيقطعوها
عم تنقطع من سنتين
قال يعني قننوها
بتجي كل يوم شي ساعتين
وبعدا ستة بيطفوها
وكل الأجهزة بالبيت
صارت عنا خربانة
.....................
على الماني ع الماني
قطعوا عنا الإعانة
وصرنا عم ناكل بالدين
والناس كلا غلبانة
.....................
تركنا العلم لحقنا المال
تخلينا عن أحلى خصال
ركنا العقل والتفكير
وصار بدنا نجمع أموال
السرقة صارت ع المكشوف
والحق مغطى بغربال
وهوة واضح متل الشمس
والناس كلا عميانة
....................
على الماني ع الماني
لمحبة أكبر ضمانة
لازم نتسلح بالعلم
وبالصدق والأمانة
..........................................
د . ملك محمود الأصفر
تعليقات
إرسال تعليق