(((( الشيخوخه. ))))
الشاعر / علي عبدالرحيم محمد / يكتب
⭐⭐⭐
الشيخوخه
٠٠٠٠٠٠٠٠٠٠٠٠
ابن الجبل والشمس
ابن الشجر والهمس
ابن الغيمه الكريمه
اللي بتطرح مطر
مابيخافش من صرخة السكوت
ولاحتى من غفلة الموت
قدمابيخاف من الشيخوخه والعلل
ابن الجبل
من صباه وحلمه عايش جواه
ونفسه حروف اسمه تتكتب ف غناه
فتح كتاب الحياه
شاف الطريق صخر
شاف الصديق قهر
شاف الدنيا معنداه
ووحدته ف غربته ملازماه
كسر بيوت الاه
وحلف يغتال الفشل
مابيخافش من صرخة السكوت
ولا حتى من غفلة الموت
قد مابيخاف من الشيخوخه والعلل
ابن الجبل
ملامحه بتضحك ف البرواز
وعنيه صخر مش ازاز
وبيحب الحب يحب الناس
وطير الستر يكون لهم وناس
وطير الصحه طول الاجل
مابيخافش من صرخة السكوت
ولاحتى من غفلة الموت
قدمابيخاف من الشيخوخه والعلل
ابن الجبل
زارعه ملامحه لسعة الشمس
وف قلبه دقات الحس
وابوه كاتب له الطيبه ورث
وبيضحك فى وقت الوجع
وجواه بيصرخ الوجع
خايف يضعف يتوه ويغرق
ف بحور الفشل والملل
مابيخافش من صرخة السكوت
ولا حتى من غفلة الموت
قد مابيخاف من الشيخوخه والعلل
ابن الجبل
على عبدالرحيم محمد
تعليقات
إرسال تعليق