"الباب ف وش الباب"
الشاعر/سامح بلال
يكتبـــــ
"الباب ف وش الباب"
الباب ف وش الباب
وجيرانا كانوا عيلة
والحب كان م القلب
ولا حقد ولا غيرة
والأكل كان بيلف
على كل بيت ويدوق
لو حتى تصبيرة
واللبس كان يهادوه
لكبيرة وصغيرة
ومكنش حد يذم
ولا يفتش الاسرار
ولا يوم يجيب سيرة
تتعب تلاقي الكل
جاي بالمحبه يزور
ميغبش ولا ليلة
دلوقت بقى فيه قصور
وقلبوا الحياة لصورة
مرسومة بالألوان
لكن ناقصها الروح
ملامحها مكسورة
ولا اخ عاد ولا أهل
ولا عشرة موصولة
دنيا انقلب شكلها
دوارة مغرورة
حسبوها بالاموال
لحد ما قلوبنا
قبل البيوت دلوقت
هي اللي مهجووورة
#سامح_بلال
تعليقات
إرسال تعليق