لسه فاكرك
الشاعر/احمد طلبه
يكتبـــــ
لسه فاكرك
لسه عايش جوه مني
ولسه محفور فيا شكلك
حته منك وأنت مني
وقلب طيب من طبيعتك
لسه فاكرك
فيا انا ساكن ياابويا
سبت أمي ولسه اخويا
بين ايديها لسه طفل
ومين يعوض ضفر أبويا
كنت اغلي حاجه عندي
الأمان وبجد سندي
اسمك انت باسم ابني
نسخه من شكلك ياابويا
لسه باقيه الذكريات
مين يقول الغالي مات
يمكن الصبر في سكات
ودعوه حلوه عشان أبويا
لسه فاكرك
ياللي كنت كمان اصيل
ياللي كنت تميل عليا
لو ظروفي يوم تميل
بعد منك ببقي تايه
ببقي موجوع والدليل
الحنين والحلم بيك
إني بحلم لو للحظه
فيها بس أبوس إيديك
دانت غالي وياللي غالي
ألف رحمه ونور عليك
الف رحمه ونور عليك
================
اللهم اغفر لأبي واجعله من أهل الجنه
احمد طلبه
تعليقات
إرسال تعليق