((((( حب من طرف واحد. ))))
الشاعر / هلال البنا / يكتب
⭐⭐⭐
هلال البنا
حب من طرف واحد
:،،،،:،،،،:،،،،:،،،،:
فين العيب
لما تنادي قلب حبيب
ويبقى الرد عليك تكذيب
مهما تحاول تظهر صدقك
يبقى عتابه معاك تأنيب
فين العيب
لما تقوله الحب نصيب
وتحس منه ان انت كئيب
مش مهتم ليه بينا ياعم
ردك لينا عجيب وغريب
فين العيب
لما تقوله محتاج منك
دعوه تكون مخلصه من قلبك
واللي اداك يمكن يديني
بس نصيبي إن انا محتاجلك
فين العيب
لما تقوله الحق عليا
أنا زودت العشم اشويه
و رده عليايكون سخريه
وتجاهل ميحسش بيا
فين العيب
لما اكتبلك مني وصيه
واطلب منك حاجه سريه
بيني وبينك ومافيش غيرك
حب واضح مفهوش توريه
فين العيب
العيب فيا ان انا حبيتك
سبت كل الخلق وجيتك
وياما دعيتلك واتمنيتلك
ربنا يرضى عليك ويزيدك
فين العيب
ليه بتبص علينا من فوق
وكل كلامي معاك بالزوق
بتقل مني علشان إني
قلبي في حبي ليك مزنوق
فين العيب
لما بقولك إني بحبك
هي صراحتي بتكون عيب
خلي إجابتك سر في قلبك
حبك عني مش بيغيب
فين العيب
لما بنادي وقول يا حبيب
ملقتشي غير حبي طبيب
وحب الله زادني وعلاني
وحب الله بيزيد مخيب
فين العيب
لو بتقول عن حبي ضعيف
حبي كبير و ملوش توصيف
بتهيئلك أنا محتجلك
حبنا ليك من غير تكليف
فين العيب
لما بقولك سيبك مني
عقلي فووت وكبر سني
قولي رأيك ووصف حبي
نفسي أسمع منك وصفي
فين العيب
لما تنادي قلب حبيب
ويبقى الرد عليك تكذيب
مهما تحاول تظهر حبك
ويبقى عتابه معاك تأنيب
فين العيب
:،،،،:،،،،:،،،،:،،،،:،،،،:
هلال البنا في
حب من طرف واحد
تعليقات
إرسال تعليق