((((( صنوف الناس. )))))
الشاعرة / علا فيالة/ تكتب
⭐⭐⭐
صنوف الناس
في ناس بتيجي على نفسها وتدي
وتتمادى وبتعدي
وتتالم وتتناسى ما بتبين
تقول انا مبسوطه فرحانه
والجرح جواها مش هين
ماهو أصل اللي بيدي
كمان محتاج ليوم ياخد
لحد يقوله لو كفتك مالت
أنا كتفي راح يكون سادد
وناس الغدر فيها متأصل
ومتفصل يدوب ع الأد
تبان ف الوش حبوبه وبتحبك
و ف ضهرك بس بلسانها تجيبك أرض
وناس من حلاوة طلتها تقول بلسم
زي النسمه لما تهل عليك فتتبسم
معاها القعده بتطول الأعمار
ولو عيشتك فيها ضيق ومرار
هايزول وأبدا ما ف يوم هاتستسلم
وناس مهما الدنيا كات جاحده
بتتحمل
وف الألم بتفوت
وبتضحك لما الوجع بيأن
و بتدي للألم شالوت
ماهو اصل الدنيا متفاته
واللي هايبقى من الحياة سيرتك
هي اللي أبدا عمرها ما تموت
#علا_فياله
تعليقات
إرسال تعليق