اسألي ورد الجناين
الشاعر/ جمال زكى عينر
يكتبـــــ
( اسألي ورد الجناين ) :
كنت صاحى ولا نايم
حبى ليكى يا روحى دايم
لو سالتى الدنيا عنى
والشوارع والمداين
حتلاقينى غصب عنى
عشقى ليكى ف عينى باين
ما انتى اول حب ليا
اسالى ورد الجناين
اساليهم ورده ورده
امتى كان أول مشاهده ؟
شاهدوا فيها حبى ليكى
وكات شموع الحب قايده
حيقولوا لك عن غرامى
وقد ايه شوقى وهيامى
وقد ايه انا حبى ليكى
وقد ايه اشواقى زايده
اساليهم واحده واحده
كل زهره وكل ورده
حيقولوا لك ع اللى بيننا
كل مادا يزيد حنيننا
حتى شوك الورد نفسه
لان من الشوق اللى بيننا
لو سألتى ميت سؤال
حتلاقيلهم ميت إجابة
وتلقى كل الورد قال
احلى موال ع الربابه
حبي كان واضح وباين
اسألي ورد الجناين
بقلمى الشاعر جمال زكى عينر
تعليقات
إرسال تعليق