((((( الكريسمس ناس وناس. )))))
الشاعر / هلال البنا / يكتب
⭐⭐⭐
هلال البنا في
:::::::::::::::::::::
الكريسمس ناس وناس
ناس بتقعد في التراس
عالكراسي راس لراس
وناس بترقص وياناس
بالفانللا وبالمداس
والليلادي في الكريسمس
ليله حلوه وليها غنوه
ليها ناس واحنا ناس
والهديه في الجراش
سياره موديل ماجاش
وأحلى ورده للعروسه
بس ترضى عالعريس
والليلادي ليله حلوه
فيها ناس مش زي ناس
أحلى فرحه حلوه جيه
وليل جميل وميه ميه
والمكان جديد عليا
وانا ليكي وانتي ليا
ولا فيش عزول خلاص
والحياه تبقى انتعاش
موز ومنجه وآناناس
وقعده حلوه ف التراس
والإنعاش فيه لينا ناس
بحر هادي وموج ماجاش
وميه رايقه عالمقاس
وعالشط وممنوع تماس
والهدوء بلاش حماس
وانتي قشطه والقلاش
والصور من غير فلاش
فيها ناس لابسين بلاش
ناس بتمسح في المداس
وناس بتكنس في الجراش
وناس ماتعرفش التعاسه
وجايه ترقص بانتعاشه
مطفي نور مقطوع مجاش
أصل نورك في حضورك
لولي مع ألماظ وماس
ليله حلوه في الكريسمس
حفله فيها الكل يرقص
شرب ميه وفيها نغطس
عام وفات خلينا نخلص
واللي جاي مش حد يطفش
بس أوعى مره تعطس
أو تكح أحسن هاتفطس
الكريسمس للي عاش
عمره كله في بالمقاس
واللي عمره وكل أمره
للحياه في طوق نجاه
والمعاش عاوز التماس
ولما تقوله في كريسمس
يبقى رده فيك يامشمش
ولما تقوله هي ليله
تفرح او تاكل بليله
وتبقى ليله ماتنسهاش
قال ياعم مالي حيله
دانا شايل حمل عيله
والحظوظ ياعم قليله
إحنا الفقرا ما تنساش
الكريسمس ده مالناش
ناس بترقص ناس بتفطس
وناس بتشحت عالمعاش
::::::::::::::::::::::::::::::::::
الكريسمس ناس وناس
هلال البنا
تعليقات
إرسال تعليق