"الألم"
الشاعرة/علا فياله
تكتبــــ
"الألم"
أد إيه الألم بيسيب علامه
وانت سايب جوا روحي مية قلم
مليون لغم
حتى النغم اللي كان ف قلبي
لما بيلمح بس طيفك اتحول ألم
يبقى لو حكم الفراق
أنا قلبي راح ينزعك من جوا روحه
المتعلقه بلحظة لقاك
تنهيدة روحي وأنا بغبائي بستناك
الكام وردة وانت بتوصفلي ف هواك
خلاص طوتهم
وضحكت من قلبي
ع اليوم اللي قولتلي أحلى كلام
ووعود تخلي الشوك يطرح سلام
وخذلتني
طلعت معاك للسما السابعة
وبكل قوة هبدتني
وكنت كل ما اسكن جرحي منك
و ..أقول معلش استحملي
يرد قلبي
مش دا اللي كان وكان وكان
دلوقتي عاصيه تكملي
لكني ابدا مش ملاك
مش راح اموت
لو هاعيش ف الكون بلاك
بقلمي علا فياله
تعليقات
إرسال تعليق