((((( ومين. )))))
الشاعر / عمرو تمساح ابو سفيان / يكتب
⭐⭐⭐
ومين
*******
ومين هيفك غربتنا اللى شاربه المر
ومين هيلم دمعتنا اللى قاعده تخر
ومين راح يحرس عيالى ف وقت الشر
ومين هيقول لسجانى اخوك الحر
خلاص انا هقطع القيد اللى لافينه على جبينى
هشيل العتمه رباطوها على عيونى
هقول للنسمه هبى قوام
تعالى واخلفى ظنونى
ياكل مين ساب البلاد تبكى
يا كل طير ف السما دور علاى واحكى
وطن شريد والزمن بقى بينا بالمسافات
خلانى امد الايد والعمده حب السكات
عبى خلاص كرشه
وباع ضميره مات
وغفيره تايه ف الذنوب
والظلم ده سكته
والكل حب السكوت
منعوا عليا الكلام
او للكلام شروط
خبط بعيد م الغفر
والعمده حط خطوط
جواكى يابلادى شربت المر
والنيل بقى علقم
وتاه وضاع البر
انا عمرى مهحبك
ولا اجيكى من تانى
مزهقت من كدبك
ونسيتى عنوانى
انا مركبى شراعى
والريح ما راضى تهب
وانا مفيش داعى
والموج مراضى يمد
يا كل مين سمع الكلام اوعوه
يا كل ليل طال ف السواد صحوه
وان كان بعيد منى ...... روحوا قوام وهاتوه
**********
عمرو تمساح ابوسفيان
تعليقات
إرسال تعليق