(((( آسف ياحبيبتى. ))))
⭐⭐
آسف ياحبيبتى :
✽¸.•♥♥•.¸✽¸.•♥♥•.¸✽¸.•♥♥•.¸✽
همسة شوق خدتنى
على جناحك شالتنى
مكان الذكريات
للماضى والآهات
لقيتنى باقول بحرقة
أنا آسف ياحبيبتى
✽¸.•♥♥•.¸✽¸.•♥♥•.¸✽¸.•♥♥•.¸✽
ذكرى ليكى جميلة
ضاعت بين يوم وليلة
واللى كان لينا فات
والعمر كان ساعات
بين امبارح وبكرة
آنا آسف ياحبيبتى
✽¸.•♥♥•.¸✽¸.•♥♥•.¸✽¸.•♥♥•.¸✽
كتير سقيت ورودك
فى غيابك أو وجودك
ضعت وضاعت وعودك
حكم القدر بفرقة
ولاخنت ولاانتى خنتى
عمرك عندى ماهونتى
أنا آسف ياحبيبتى
✽¸.•♥♥•.¸✽¸.•♥♥•.¸✽¸.•♥♥•.¸
صفحة من ذكرياتى
فاكرك يومى وليلاتى
اجمل ايام حياتى
بين امبارح وبكرة
باقية ياأحلى ذكرى
فى قلبى مهما كنتى
أنا آسف ياحبيبتى
✽¸.•♥♥•.¸✽¸.•♥♥•.¸✽¸.•♥♥•.¸
سرحت فى لون عينيكى
لقيتنى بكيت عليكى
مشتاق لمسة ايديكى
بكيت كتير لإنى
ماأقدرش أعود إليكى
لكن فى قلبى انتى
صاحبة قصرى واميرتى
أنا آسف ياحبيبتى
✽¸.•♥♥•.¸✽¸.•♥♥•.¸✽¸.•♥♥•.¸✽¸.
لو كان هجرك قرارى
لابإيدى ولا اختيارى
تقبلى اعتذارى
انا عاذرك مهما قلتى
غضبانة او سامحتى
بعد السنين بااقولك
أنا آسف ياحبيبتى
✽¸.•♥♥•.¸✽¸.•♥♥•.¸✽¸.•♥♥•.¸✽¸.
كلماتى
يوسف الخواجه
تعليقات
إرسال تعليق